Ongo “star” ‘i he kaha’u ‘i he mala’e ‘o e ‘akapulu ‘i Wales

CARDIFF, Wales-June 15: 3:10pm(Nuku’alofa Times): Ko e ongo talavou ko ena ki to’ohema ko Kepueli Tuipulotu ko e foha ia ‘o Sione Mone Tuipulotu ‘a ia ko e Ikale Tahi Tutuku pea mo Ma’ali Talamai. Ko ‘ene fa’ee ko e tuofefine mo’oni ia ‘o Sione.
Ko e ongo tamaiki ni na’a na fakafofonga’i e timi fakavahe ta’u 10 ‘a Uelesi ki Itali pea na’a nau ma’u e fe’auhi ‘i ‘Itali pea pehe pe ki he feauhi fakavahe ‘a Uelesi.
Ko Kepueli koe kapiteni ia enau timi fakavahe pea ‘oku ne vainga sekeni (12) koe lele pulu fefeka, tali tangata fefeka pea toe off load hange ha taha lahi .
Na’e toe to’o pe ‘a Kepueli ‘o toe va’inga ‘i he fakakalapu ‘i he tau 11 pea nau toe hau pe ai ‘i he feauhi fakakalapu ‘i Wales . Ko ‘ene mo’ui koe manako pe ke totongi ‘ene ki’i foaki ‘i he Sapate kotoa pe, pea mo tauhi e falelotu pea talangofua ki he matu’a mo mo’ui anga fakatokilalo mo mo’ui fiefia.
Ko e foha pe ia ‘oku tokotaha ‘i he fanau e toko 3, pea kuo ma’u pea mo ‘ene sikolasipi ako mo va’inga ‘i England ‘i he ‘apiako nofoma’uu ai. Ko e tu’u ki he kaha’u ko ‘ene fili pe pe ko England pe Wales ‘e va’inga ai.
Ko Ma’ali ‘oku va’inga fika8 ia pea ‘oku na vainga loua pe ‘i he fakavahe ta’u 10 ka oku na kalapu. ‘A ia ‘oku toe ma’u pe mo e sikolasipi tatau pe mo Ma’ali ki he ‘apiako tatau pe ‘oku ‘alu ki ai a Kepu ‘a ia e toki hu ‘a Ma’ali ia he ta’u fo’ou ka ko Kepu e hu ia he ta’u ni ki ai.
Ko e ‘apiako ko e ‘apiako nofoma’u ‘a ia ko e apiako tamaiki tangata ia pea ‘oku ki’i mamafa mo e totongi ka koe monu’ia lahi ‘a e ongo tamaiki koe’uhi ko hona taleniti. Ko Ma’ali ‘oku toko taha tangata pe pea koe lahi ia ‘i he’enau fanau pea koia pe mo hono tuofefine.
Ko e tafa’aki ‘i he ako ‘oku na fakatou lelei loua pe ‘i loki ako pea ‘i he mala’e ‘o e ‘akapulu foki.
Ko e ongo matu’a ‘a Ma’ali ko Taki mo Taufa Talamai.
Ko Wales ‘oku ‘ikai ke ‘i ai ha’anau timi fakafonua ‘i he tau 10 ka koe fakavahe pe.
Related News

Schools rugby starts tomorrow
NUKU’ALOFA-April 19, 2018: 9.30pm (Nuku’alofa Times): Inter-college rugby returns to Tongatapu tomorrow as the firstRead More

14yr old Tongan Swimmer Youngest in History to Attempt the 22.3km Apolima Strait Swim
NUKU’ALOFA – March 31: 9.30am (Nuku’alofa Times): Fourteen year old (14) Noelani Day, of theRead More
Comments are Closed